Kung nakapag basa ka na ng ilang blogs tungkol sa pagpapatayo ng negosyo, marahil marami ka nang naisip na pwedeng simulan sa inyo bahay. Pwede kang magluto, magtinda, o mag offer ng serbisyo sa mga bahay-bahay. Ngunit naisip mo ba kung saan ka pwedeng kumuha ng mga materyales?

Support Local Business! Pwede kang umorder ng mga ingredients mo para sa iyong negosyo sa mga local farmers kaysa bumili ka sa mga grocery o supermarket. Hindi ka lang nakakamura, ngunit nakakatulong ka rin sa mga maliit na negosyo na lumago.

Bakit kailangan nating tulungan ang mga local businesses? Ito ay dahil nakakatulong sila sa ekonomiya ng Pilipinas. Sa paglago ng mga negosyong ito, ay nakakapag bigay sila ng mga job opportunities na nakakatulong sa mga nais magtrabaho.

Sa simpleng pag suporta mo sa mga local businesses na ito, di ka lang nakakamura sa iyong gastusin, ngunit kalaunan ay makakatulong ka sa pagbubukas ng magandang oportunidad sa mga naghahanap ng trabaho.

Paano magbigay suporta sa mga local businesses? Bukod sa pagtangkilik sa kanilang mga produkto, pwede mo silang i-endorso sa mga kaibigan at pamilya mo. Malaking bagay rin na magbigay ka ng magandang review sa kanilang Facebook o online shops.

Sa pagtatayo mo ng negosyo, magiging isa ka rin sa mga local businesses na tatangkilikin rin ng iyong customer. Kaya’t maganda rin na sa pagsisimula mo ng negosyo, ay mayroon ka nang magandang komunikasyon sa ibang local businesses.